Šaniec padabracca da Bresta. Siońnia adbuducca dva pieraniesienyja matčy čempijanatu Biełarusi pa futbole
Siońnia ŭdzielniki jeŭrakubkaŭ viartajuć apošnija daŭhi. Paśla hetaha tablica vyraŭniajecca, i ŭsim zastaniecca zhulać pa čatyry matčy (viadoma, akramia tych, chto atrymaje bonusam pieramohu nad «Tarpieda»). Razam z Bukmiekierskaj kantoraj Marafon my sočym za čempijanatam Biełarusi pa futbole.
U niadzielu «Šachcior» i BATE vydali šykoŭny matč, ź jakoha pieramožcam vyjšła bresckaje «Dynama». Ničyja pramych kankurentaŭ jašče na dva bały nabliziła bieraściejcaŭ da čempijonstva.
Ale rabić vyniki zarana, bo napieradzie jašče čatyry tury, u jakich usio moža pamianiacca.
Što nas čakaje siońnia?
«Słavija» — «Dynama-Minsk»
- 30.10, 15:00. Mazyr, stadyjon «Junactva».
- Kaeficyjenty: «Słavija» (pieramoha) — 5.10; ničyja — 3.90; «Dynama» (pieramoha) — 1.62.
Padnačalenyja Siarhieja Hurenki nie mohuć vyjhrać užo čatyry hulni zapar. U apošnim tury «Dynama» na paru z «Enierhietykam-BDU» vydali fiejeryčnuju ničyju, u jakoj było ŭsio: chiet-tryk (Illa Škuryn zabiŭ 17 miačoŭ u čempijanacie, ale tak i nie vyklikany ŭ zbornuju), pienalci, vydaleńnie. Tolki sinchronnyja straty pramych kankurentaŭ dapamahajuć zachoŭvać kamfortny adryŭ u baraćbie za čaćviorty radok.
Fota: «Dynama-Minsk».
Siońnia «Dynama» zhulaje suprać «Słavii», jakaja taksama pieražyvaje nie najlepšyja časy i nie moža na poli pieramahčy dva z pałovaj miesiacy. Zona pierachodnych matčaŭ pakul dalekavata, ale treba padsabracca.
Prahnoz «NN»: totał, mienšy za 2.5.
«Dniapro» — BATE
- 30.10, 19:30. Mahiloŭ, stadyjon «Spartak».
- Kaeficyjenty: «Dniapro» (pieramoha) — 7.40; ničyja — 4.75; BATE (pieramoha) — 1.38.
Kaniec hiehiemonii blizki, jak nikoli. Užo i sami hulcy BATE davoli aściarožna, ale vykazvajucca nakont taho, što nie ŭsio zaležyć ad ich.
«Dniapro» ž praciahvaje svaju paśpiachovuju śpiecapieracyju pa vyratavańni — 8 bałaŭ u apošnich čatyroch matčach ź vialikaj imaviernaściu zabiaśpiečyli mahiloŭskuju kamandu pucioŭkaj u «vyšku» na nastupny siezon.
U apošniaj hulni mahiloŭcy ledź nie vyjhrali ŭ «Isłačy», ale adyhrała svaju rolu słabaja realizacyja vydatnych momantaŭ. Z BATE, viadoma ž, usio budzie inakš.
Prahnoz «NN»: pieramoha BATE (chočacca, kab intryha jašče pažyła.
TURNIRNAJA TABLICA
Dzialiciesia prahnozami ŭ kamientarach. Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!