«Suvory turyst»: BCHD prapanavała mnie stać ich kandydatam u prezidenty. Nasamreč naadvarot
dapoŭniena
Vital Ziałkoŭski, jon ža čałaviek-miem «suvory turyst» zajaviŭ, što źbirajecca bałatavacca ŭ prezidenty Biełarusi.
I ŭžo praz paru dzion, arhkamitet pa stvareńni partyi BCHD paviedamiŭ, što Ziałkoŭski źviarnuŭsia da ich z prapanovaj. Maŭlaŭ, prapanuje vyłučacca ad «chadekaŭ».
Praŭda, sam Ziałkoŭski kaža, što ŭsio było roŭna naadvarot.
«Ja atrymaŭ prapanovu hetaj partyi, ciapier budu jaje abmiarkoŭvać. Ja pakul na sustrečy z dyrektaram mižnarodnaj kampanii, paźniej vyvuču hetuju prapanovu. Ale mnie zdajecca, što heta pazityŭ, ja abmiarkuju jaho sa svaimi ŭpłyvovymi siabrami. Uvohule ja hatovy da dyjałohu z usimi palityčnymi siłami», — paviedamiŭ «Našaj Nivie» Ziałkoŭski.
Adnak Biełaruskaja chryścijanskaja demakratyja apublikavała skrynšot jaho lista:
Takija ž listy ad jaho atrymali Abjadnanaja hramadzianskaja partyja i sacyjał-demakraty z Hramady.