Siońnia bresckaje «Dynama» moža stać čempijonam Biełarusi
Siońnia ŭ čempijanacie Biełarusi pa futbole moža daterminova vyznačycca ŭładalnik załatych miedaloŭ, paviedamlaje BiełTA.
U vypadku pieramohi ŭ hościevym pajadynku 28-ha tura nad «Isłačču» svoj pieršy ŭ historyi čempijonski tytuł mohuć atrymać futbalisty bresckaha «Dynama». Hetaja sustreča pačniecca ŭ 15.30 na pole FK «Minsk» i budzie pakazana ŭ prostym efiry telekanała «Biełaruś 5».
Taksama siońnia 15-razovy čempijon krainy barysaŭski BATE zhulaje ŭ haściach u «Viciebska», a minski «Enierhietyk-BDU» prymie žodzinskaje «Tarpieda-BiełAZ».
Stanovišča ŭ hrupie lideraŭ pierad siońniašnimi hulniami: «Dynama» (Brest) - 68 ačkoŭ (27 matčaŭ), «Šachcior» - 62 (28), BATE - 61 (27), «Dynama» (Minsk) - 50 (28), «Isłač» - 45 (27), «Tarpieda-BiełAZ» - 45 (27).