Chiłary Klintan nie vyklučyła ŭdziełu ŭ vybarach u 2020 hodzie
Byłaja dziaržsakratar ZŠA i supiernica amierykanskaha lidara Donalda Trampa na vybarach 2016 hoda Chiłary Klintan pakul nie płanuje ŭstupać u prezidenckuju honku ŭ 2020 hodzie, adnak nie vyklučaje vierahodnaści takoha raźvićcia padziej. Pra heta jana zajaviła ŭ aŭtorak u intervju bbc.com.
«Jak ja kažu, nikoli, nikoli, nikoli nie kažy «nikoli», - skazała Klintan, adznačyŭšy, što adčuvaje vialiki cisk z boku atačeńnia, jakoje sprabuje pierakanać jaje vystavić svaju kandydaturu.
«Ale na dadzieny momant <…> heta zusim nie ŭvachodzić u maje płany», - skazała na zakančeńnie eks-dziaržsakratar ZŠA.
Chiłary Klintan upieršyniu vyrašyła zmahacca za pasadu prezidenta na vybarach 2008 hoda, adnak tady sastupiła pa vynikach prajmieryz Baraku Abamu. U 2016 hodzie źjezd Demakratyčnaj partyi ZŠA zaćvierdziŭ jaje svaim kandydatam u prezidenty, adnak Klintan sastupiła kandydatu ad respublikancaŭ Donaldu Trampu.
59-ja vybary prezidenta ZŠA projduć 3 listapada 2020 hoda. Źjezd Demakratyčnaj partyi, na jakim budzie vyłučany kandydat u prezidenty, projdzie 13—16 lipienia 2020 hoda ŭ Miłuoki (štat Viskonsin). Respublikancy praviaduć svoj źjezd 24—27 žniŭnia ŭ horadzie Šarłot (Paŭnočnaja Karalina).