19-hadovy chłopiec zabyŭsia ŭ elektryčcy hitaru, a jaje skrali
Da pravaachoŭnikaŭ źviarnuŭsia 19-hadovy małady čałaviek, jaki paviedamiŭ, što, jedučy dadomu, u vahonie ciahnika Minsk — Asipovičy zabyŭsia muzyčny instrumient, paviedamlaje staličnaja milicyja.
Supracoŭniki milicyi ŭstanavili, što paśla taho, jak chłopiec vyjšaŭ na adnoj z čyhunačnych stancyj, na pakinutuju biez nahladu bas-hitaru źviarnuŭ uvahu 26-hadovy pasažyr. Dačakaŭšysia svajho prypynku, małady čałaviek vykraŭ čužuju majomaść.
Milicyjaniery zatrymali jaho z dokazami viny: złamyśnik mieŭ namier pradać muzyčny instrumient u siabie ŭ horadzie. Suma škody skłała 860 rubloŭ.
Viadoma, što raniej mužčyna da kryminalnaj adkaznaści nie pryciahvaŭsia i na momant ździajśnieńnia złačynstva pracavaŭ ślesaram-santechnikam na adnym z pradpryjemstvaŭ Puchavickaha rajona.