Vynieśli prysud połackim maładzionam, jakija žyŭcom pachavali sabutelnika
Viciebski abłasny sud vynies prysud 18-hadovamu i 17-hadovamu miascovym žycharam. Maładyja ludzi byli abvinavačanyja ŭ žorstkim zabojstvie čałavieka, piša BiełTA sa spasyłkaj na abłasny sud.
Dniom 22 krasavika žychary Połacka znajšli ŭ dvary trup. Vyśvietliłasia, što pad ziamloj znachodzicca cieła 26-hadovaha miascovaha žychara. Pa dadzienych śledstva, u jaho ŭ haściach byli troje chłopcaŭ, jany razam vypivali. Padčas svarki sabutelniki źbili haspadara i zakapali jaho cieła.
Ekśpiertyza pakazała, što śmierć nastupiła ad aśfiksii — mužčynu pachavali žyŭcom, i ziamla zabiłasia jamu ŭ orhany dychańnia.
18-hadovamu zabojcu prysudzili 14 hadoŭ u kałonii ahulnaha režymu.
Jaho 17-hadovamu siabru dali 13 hadoŭ u vychavaŭčaj kałonii.
Taksama jany musiać spłacić maci zabitaha 50 tysiač rubloŭ.