Navukoŭcy: praciahłyja paloty ŭ kosmasie śmiarotna niebiaśpiečnyja
Praciahłyja paloty ŭ kosmasie mohuć być śmiarotna niebiaśpiečnymi dla zdaroŭja astranaŭtaŭ. Da takoj vysnovy pryjšła mižnarodnaja hrupa daśledčykaŭ. Vyniki ich pracy apublikavanyja ŭ časopisie JAMA Network Open.
Padčas daśledavańnia vyśvietliłasia, što ŭ dvuch z 11 daśledavanych astranaŭtaŭ u levaj unutranaj jaremnaj vienie nazirajecca zvarotny tok kryvi. Heta adzin z dvuch najbujniejšych sasudaŭ, kroŭ pa im vyciakaje z mozhu ŭ bok serca.
Na dumku daśledčykaŭ, asnoŭnaja pryčyna hetaha — adsutnaść hravitacyi na Mižnarodnaj kaśmičnaj stancyi (MKS). Sprava ŭ tym, što zrušeńnie ŭnutranych orhanaŭ pryvodzić da zdušvańnia vieny, što i vymušaje kroŭ častkova ruchacca ŭ zvarotnym kirunku.
Pry hetym u adnaho z paddoślednych u vienie vyjavili zhustak. Heta vielmi niebiaśpiečna, pakolki tromb moža pieramiaścicca ŭ lohkija i vyklikać śmierć. Astranaŭtu ŭdałosia praduchilić heta dziakujučy pryjomu preparataŭ dla razredžvańnia kryvi.