Jarmošyna prakamientavała spravazdaču ABSIE ab niedemakratyčnych vybarach
Fota Siarhieja Hudzilina
Spravazdača BDIPČ ABSIE ab minułych vybarach u Biełarusi subjektyŭnaja i nie paćvierdžana arhumientami. Tak kiraŭnik CVK Lidzija Jarmošyna prakamientavała TUT.BY zajavu mižnarodnych naziralnikaŭ pra toje, što vybary ŭ Biełarusi nie adpaviadali važnym mižnarodnym standartam demakratyčnych vybaraŭ.
Kiraŭnik CVK ličyć, što mała napisać u spravazdačy, što admieniena rehistracyja kandydataŭ ci pazbaŭlenyja akredytacyi davieranyja asoby. Naziralnaja misija pavinna była praanalizavać toje, nakolki heta [admiena rehistracyi, pazbaŭleńnie akredytacyi] adpaviadaje nacyjanalnamu zakanadaŭstvu.
— Bo vybary nie stvarajuć niejki pieryjad biezzakońnia, kali možna ŭsio. Padčas vybaraŭ dziejničajuć tyja ž normy i praviły, jakija dziejničajuć u zvyčajnym žyćci. Tamu prosta pieraličvać tuju kolkaść asob, jakija nie zmahli ŭdzielničać u vybarach, bo rehistracyja admieniena, — adnabakovaja padača infarmacyi, jakaja nie raskryvaje sutnaść pytańnia. Sapraŭdy hetak ža nijakija arhumienty i dokazy nie pryvodziacca [ŭ spravazdačy] pry zhadvańni «faktaŭ» pra falsifikacyi i ukidaŭ biuleteniaŭ. U suviazi z hetym my ličym, što heta [spravazdača ABSIE] nie bolš i nie mienš jak palityčnaja zajava, u jakoj niedastatkovaja jurydyčnaja asnova, — ličyć Lidzija Jarmošyna.
Nahadajem, naziralniki ad ABSIE ličać, što hetyja vybary prademanstravali «poŭnuju adsutnaść vykanańnia demakratyčnych abaviazacielstvaŭ».
- U dziaržavie, dzie paŭnamoctvy i niezaležnaść parłamienta abmiežavanyja, a asnoŭnyja svabody jak vybarščykaŭ, tak i kandydataŭ ŭščamlajuć, isnuje niebiaśpieka pieratvareńnia parłamienckich vybaraŭ u farmalnaść, — zajaviła śpiecyjalny kaardynatar ABSIE Marharet Siederfielt.