Łukašenka niezadavoleny vystupam spartsmienaŭ na mižnarodnych spabornictvach
Alaksandr Łukašenka ličyć niedastatkovymi spartyŭnyja dasiahnieńni biełaruskich atletaŭ na suśvietnych pieršynstvach. Pra heta jon zajaviŭ siońnia na Alimpijskim schodzie NAK Biełarusi, pieradaje BIEŁTA.
Uličvajučy, što da Alimpijady ŭ Tokia zastałosia krychu bolš za paŭhoda, Alaksandr Łukašenka adznačyŭ nieabchodnaść nadać hałoŭnuju ŭvahu letnim alimpijskim vidam sportu. Tym bolš, što praktyčna ŭsie čempijanaty śvietu 2019 hoda zavieršany i pa ich vynikach možna rabić całkam kankretnyja vysnovy.
Jon kanstatavaŭ, što ŭ hetym hodzie na suśvietnych pieršynstvach biełaruskija spartsmieny zavajavali ŭ alimpijskich dyscyplinach ŭsiaho tolki vosiem miedaloŭ, u tym liku dva załatyja. Bolšaść u viesłavańni na bajdarkach i kanoe. Bolš-mienš stabilna na praciahu apošnich hadoŭ vystupajuć pradstaŭniki sučasnaha piaciborstva.
«Ale heta tolki dva kamplekty miedaloŭ na Alimpijadzie, — zaŭvažyŭ kiraŭnik dziaržavy. — A astatnija? Bieź miedaloŭ u alimpijskich numarach prahramy viarnulisia z suśvietnych pieršynstvaŭ baksiory, viełasipiedysty, mastackaja himnastyka. Nulavy vynik u nas i ŭ takich miedalejomistych vidach sportu, jak płavańnie, lohkaja atletyka, dziudo, fiechtavańnie, stralba kulavaja, spartyŭnaja himnastyka, viesłavańnie akademičnaje».