VMS Ukrainy: Rasijanie źniali navat płafony, razietki i ŭnitazy z zachoplenych ukrainskich karabloŭ
Kamandujučy VMS Ukrainy Ihar Varončanka abvinavaciŭ Rasiju ŭ varvarskim staŭleńni da vajennych karabloŭ, jakija raniej ukraincam viarnuli rasijskija ŭłady: na sudach źniatyja razietki, płafony i ŭnitazy, paviedamlaje 4 kanał.
Karabli, zachoplenyja Rasijaj u Kierčanskim pralivie ŭ listapadzie minułaha hoda, 18 listapada pieradadzienyja ŭkrainskim vajskoŭcam, i zaraz ich buksirujuć u port Adesy.
«Jany svaim chodam nie iduć, ruskija ich zahubili. Źniali navat płafony, razietki i ŭnitazy. Tak što my zaraz pakažam usiamu śvietu varvarskaje staŭleńnie rasijan», — zajaviŭ Varončanka.