U Połacku vaśmikłaśniki dapamahli zatrymać piedafiła
Mužčyna rabiŭ złačynnyja dziejańni ŭ dačynieńni da małaletnich nie tolki ŭ Połackim, ale i Minskim rajonie. Padzieja, paśla jakoj jaho ŭdałosia zatrymać, adbyłasia ŭ krasaviku, paviedamlaje BiełTA sa spasyłkaj na abłasnuju milicyju.
Navučency 8-ha kłasa Dyjana Sačak, Złata Dziahiel i Milena Aroł padčas prahułki kala raki Pałata ŭ zaraśniku zaŭvažyli darosłaha mužčynu. U jaho na kaleniach siadzieła napaŭaholenyja małaja dziaŭčynka. Školnicy zabili tryvohu — złamyśnik spałochaŭsia i paśpiašaŭsia syści. Dziaŭčynki vyrašyli za im prasačyć, na dapamohu paklikali znajomych chłopcaŭ Maksima Bubnova, Cimafieja Karasiova, Marka Leščanku, Hasana Husiejnava, Renata Chamzajeva, Uładzisłava Špieta i Dzianisa Makajeviča.
Chłopcy dałučylisia i pačali pieraśledvać patencyjnaha złačyncu, pry hetym chłopcy zadavali jamu pytańni, što mienavita jon rabiŭ z maleńkaj dziaŭčynkaj, kudy nakiroŭvajecca, adzin z chłopcaŭ patelefanavaŭ baćku, raspavioŭ, što zdaryłasia, paprasiŭ vyklikać milicyju, paviedamlaŭ pa telefonie, kudy jany iduć. U vyniku, złamyśnika ŭdałosia zatrymać.
Mužčynu zatrymali. Zaraz zaviedziena kryminalnaja sprava pa fakcie hvałtoŭnych dziejańniaŭ seksualnaha charaktaru ŭ dačynieńni da małaletniaj.
Padčas śledstva ŭ padazravanaha byli kanfiskavanyja bijaŭzory, jakija paćvierdzili dačynieńnie da ździajśnieńnia złačynstva ŭ dačynieńni da małaletniaj ŭ lutym 2017 hoda ŭ Minskim rajonie. Pierad sudom mužčyna budzie adkazvać za ŭčynieńnie dvuch asabliva ciažkich złačynstvaŭ.