«Baciušku sa svastykaj» departavali ź Biełarusi
Hramadzianina Rasii Kanstancina Burykina, jaki adbyŭ pakarańnie za zachoŭvańnie zbroi i vyjšaŭ na volu, departavali ź Biełarusi.
Infarmacyju pra heta paćvierdzili ŭ siamji śviatara, paviedamili, što jon u Rasii. Departavali Burykina prykładna tydzień tamu.
Burykin, bolš viadomy jak «baciuška sa svastykaj», vyzvaliŭsia z kałonii 18 listapada. Padčas źniavoleńnia baćki dačka Burykina dała šakujučaje intervju, u jakim zajaviła pra seksualny i fizičny hvałt z boku baćki i jaho druhoj žonki.
Siłaviki pravodzili pravierku jaje słovaŭ, adnak historyja ničym nie skončyłasia.