Pad Smalavičami ŭ pažary zahinuła žančyna
Uviečary 27 listapada adbyŭsia pažar u žyłym domie ŭ vioscy Vierch-Voziera Smalavickaha rajona, paviedamlaje pres-słužba Minskaha abłasnoha ŭpraŭleńnia MNS. U vyniku pažaru zahinuła žančyna i paciarpieŭ mužčyna, jaki byŭ špitalizavany z termičnymi apiokami 9% cieła. Pryčyna pažaru vyśviatlajecca.
Usiaho za sutki pa krainie ŭ ahni zahinuli čatyry čałavieki. Pažary ź śmiarotnym vynikam zdarylisia taksama ŭ Vilejskim, Hrodzienskim i Ušackim rajonach.