Źnikłaha bolš za tydzień tamu 18-hadovaha chłopca ź Lachavič znajšli zahinułym
Lachavicki rajonny adździeł Śledčaha kamiteta pravodzić pravierku pa fakcie śmierci 18-hadovaha chłopca, paviedamiŭ BIEŁTA aficyjny pradstaŭnik USK pa Bresckaj vobłaści Źmicier Ivaniuk.
Małady čałaviek apoŭdni 20 listapada pajšoŭ ź internata kaledža ŭ Lachavičach. Kudy jon moh nakiravacca, blizkim i znajomym było nieviadoma. Pošukami chłopca zajmalisia supracoŭniki milicyi, dapamahali vałanciory.
«Cieła junaka ŭ lasnym masivie ŭ niekalkich kiłamietrach ad jaho miesca žycharstva vyjaviŭ minak. Pa fakcie śmierci śledčyja pravodziać pravierku. Pry ahladzie miesca zdareńnia prykmiet, jakija pakazvajuć na kryminalny charaktar śmierci junaka, nie vyjaŭlena», — skazaŭ Dźmitryj Ivaniuk.
Pryznačana sudova-miedycynskaja ekśpiertyza.