Chłopiec zasnuŭ u ciahniku, a z kišeni vyciahnuli 300 rubloŭ
U načnoj elektryčcy adbyŭsia incydent: na ŭčastku «Damanava—Borki» ŭ 25-hadovaha žychara Łuninca z kišeni štanoŭ źnik kašalok, u jakim znachodziłasia 300 rubloŭ, paviedamlaje abłasnaja milicyja.
Chłopiec zasnuŭ u ciahniku, prajechaŭ svoj prypynak i navat nie adčuŭ, jak pazbaviŭsia hrošaj. Praz tydzień pravaachoŭniki znajšli pustoje partmane ŭ Minsku.
Načalnik AKV Bresckaha AUST major milicyi Alaksiej Daŭžaniuk paviedamiŭ, što praca była nie z prostych: «Adpracoŭvalisia roznyja viersii. Prafiesijanalizm i vopyt apieratyŭnikaŭ dali stanoŭčy vynik — fihurant byŭ zatrymany». Im akazaŭsia niepracujučy raniej sudzimy 37-hadovy žychar Minska.
Supracoŭniki transpartnaj milicyi zaklikajuć hramadzian być jak maha bolš uvažlivymi da svaich rečaŭ, nie pakidać ich biez nahladu abo ŭ lohkadastupnym miescy i nie ŭstupać ni ŭ jakija razmovy z sumniŭnymi spadarožnikami.