Udvaja bolš «nastaŭnikaŭ dla Biełarusi» pajeduć u rehijony. Im dapamoža bank
U Biełarusi płanujuć u dva razy pavialičyć kolkaść nastaŭnikaŭ, jakich nakirujuć na dva hady ŭ škoły rehijonaŭ. Akramia asnoŭnaj zarpłaty, jany atrymajuć stypiendyju ad BPS-Śbierbanka, noŭtbuki i dapamohu z žyllom. Sacyjalny prajekt «Nastaŭnik dla Biełarusi», jaki atrymaŭ premiju ŭ halinie sacyjalnaj adkaznaści, vyjdzie na novy ŭzrovień u 2020 hodzie.
Inicyjatyvu realizuje BPS-Śbierbank ŭ supracoŭnictvie ź Ministerstvam adukacyi. U vieraśni 9 udzielnikaŭ prajekta, jakija prajšli intensiŭnaje navučańnie, adpravilisia ŭ škoły pa-za bujnymi haradami. U asnoŭnym piedahohi navučajuć sielskich dziaciej, jašče dvoje pracujuć u himnazii Dziaržynska.
U nastupnym navučalnym hodzie dla ŭdziełu ŭ prajekcie płanujecca adabrać u dva razy bolšuju kolkaść nastaŭnikaŭ i achapić prajektam novyja rehijony. Taksama bank płanuje padpisać pahadnieńnie ab uzajemadziejańni sacyjalna adkaznych kampanij, apierataram jakoha źjaŭlajecca fond «Dobra».
Akramia zarpłaty, dla nastaŭnikaŭ praduhledžana materyjalnaja padtrymka. Jany atrymajuć noŭtbuki i kampiensacyju vydatkaŭ na žyllo ŭ vypadku pierajezdu. Srodki vydzialajucca z dabračynnaha fondu, jaki zasnavany BPS-Śbierbankam.
Prajekt «Nastaŭnik dla Biełarusi» zaklikany zabiaśpiečyć kožnamu dziciaci ŭ Biełarusi dostup da jakasnaj adukacyi, kab lepš raskryć jaho indyvidualnyja mahčymaści. Piedahohi-ŭdzielniki mohuć zrabić uniosak va ŭstojlivaje raźvićcio krainy. BPS-Śbierbank jak arhanizatar prajekta nazvany lidaram sacyjalnaj adkaznaści Biełarusi pa vynikach publičnych słuchańniaŭ, arhanizavanych fondam «Dobra».