Erdahan pryhraziŭ zabłakavać płan NATA pa abaronie krain Bałtyi
Turcyja zabłakuje płan NATA pa abaronie Polščy i krain Bałtyi, kali aljans nie pryznaje terarystyčnymi arhanizacyi, jakija pradstaŭlajuć pahrozu dla Ankary. Pra heta zajaviŭ prezident Turcyi Redžep Taip Erdahan na pres-kanfierencyi pierad samitam NATA ŭ Łondanie, pieradaje Hürriyet.
«Učora ja sustrakaŭsia z prezidentam Polščy. Pa sutnaści, jany skazali, što my možam abjadnacca ŭ abaronie krain Bałtyi. Kali našy siabry ŭ NATA nie buduć prymać za terarystaŭ arhanizacyi, jakija my ličym terarystyčnymi (u pryvatnaści, kurdskija) i ź jakimi viadziem baraćbu, my budziem suprać lubych krokaŭ, što pradprymajucca NATA», — skazaŭ Erdahan.