U Viciebsku muž niekalki dzion katavaŭ žonku haračym prasam
Siamiejnaja drama adbyłasia ŭ adnoj sa šmatpaviarchovak pa vulicy Broŭki ŭ Viciebsku, pieradaje BiełTA. 42-hadovy žychar abłasnoha centra, pakul dzieci haściavali ŭ babuli, učyniŭ siamiejny skandał na hlebie reŭnaści. Debašyr biŭ žonku, katavaŭ haračym prasam. Heta praciahvałasia niekalki dzion i skončyłasia, tolki kali tryvohu zabiła zaniepakojenaja maci paciarpiełaj.
Žančyna zabrała źbituju dačku da siabie dadomu i vyklikała dla jaje chutkuju dapamohu. Ab złačynstvie ŭ milicyju paviedamili miedyki. Pravaachoŭniki zatrymali mužčynu. U dačynieńni da jaho raspačata kryminalnaja sprava pa č.1 ar.154 KK («Naŭmysnaje pryčynieńnie praciahłaha bolu ci pakutaŭ»).