Łukašenka: Siońnia na Pucina idzie mocny antybiełaruski cisk
kremlin.ru
Praca nad prahramaj dziejańniaŭ pa pahłybleńni intehracyi ŭ ramkach Sajuznaj dziaržavy i pakietam «darožnych kart», a taksama damovami pa adčuvalnych dla abodvuch bakoŭ pytańniach znachodzicca na zaviaršalnaj stadyi. Pra heta Alaksandr Łukašenka paviedamiŭ siońnia ŭ zvarocie da deputataŭ, piša BiełTA.
U toj ža čas kiraŭnik dziaržavy akcentavaŭ uvahu, što pakul nie vyrašany šerah pryncypovych pytańniaŭ, u pryvatnaści pa hazie i nafcie. «Navat elemientarnaje pytańnie nie vyrašana pa brudnaj nafcie. A my ž pravalili VUP u asnoŭnym z-za naftavych prablem», — adznačyŭ kiraŭnik dziaržavy.
«Siońnia na prezidenta Pucina cisk vielmi mocny. I prytym užo ź blizkaha atačeńnia, antybiełaruskaha», — skazaŭ Alaksandr Łukašenka.