U Ašmianach znojdzieny trup milicyjanta
Kala 20:00 5 śniežnia ŭ asabistym aŭtamabili byŭ znojdzieny trup supracoŭnika Ašmianskaha RAUS, paviedamlaje BiełTA.
«Papiarednie ŭstanoŭlena, što śmierć nie nosić kryminalny charaktar i nie źviazanaja z vykanańniem słužbovych abaviazkaŭ», — adznačyŭ aficyjny pradstaŭnik Hrodzienskaj milicyi Jaŭhien Dudko.
Supracoŭniki Śledčaha kamiteta pa hetamu faktu pravodziać pravierka. Upraŭleńnie ŭnutranych spraŭ Hrodzienskaha abłvykankama vykazvaje spačuvańni rodnym i blizkim niabožčyka.
Raniej telehram-kanał Nexta paviedamlaŭ, što mašyna znachodziłasia na stajancy nasuprać budynka milicyi. Pavodle papiaredniaj infarmacyi, havorka idzie pra suicyd.