Krynica: źniaćcie sankcyj z Rasii nie staić u paradku dnia samitu «narmandskaj čaćviorki»
Pytańnie ab źniaćci zachodnich sankcyj z Rasii nie ŭvachodzić u paradak samitu ŭ «narmandskaha farmacie», jaki projdzie ŭ Paryžy ŭ paniadziełak. Pra heta ŭ piatnicu zajaviła krynica ŭ administracyi prezidenta Francyi, piša tass.ru.
«Tema samitu — nie źniaćcie sankcyj z Rasii, a vykanańnie minskich pahadnieńniaŭ», - zaŭvažyŭ jon. Adkazvajučy na inšyja pytańni, jon taksama ŭdakładniŭ, što ŭ płany samitu nie ŭvachodzić i abmierkavańnie tranzitu hazu praz Ukrainu. «Heta pa-za «narmandskim farmatam», - rastłumačyŭ surazmoŭca.
Tak zvany narmandski farmat pieramovaŭ pa Ukrainie («Narmandskaja čaćviorka») isnuje z červienia 2014 hoda.
U 2014 hodzie Jeŭrasajuz uvioŭ sankcyi ŭ dačynieńni da RF u suviazi z uvarvańniem na Danbas i anieksijaj Kryma. Abmiežavalnyja miery nieadnarazova pašyralisia i padaŭžalisia.