Zialenski i Pucin sustrakajucca ŭ Paryžy
U paniadziełak 9 śniežnia ŭ Paryžy projduć pieramovy lidaraŭ Ukrainy, Rasii, Francyi i Hiermanii ab urehulavańni kanfliktu na Danbasie — sustreča stanie pieršym samitam u «narmandskaha farmacie» za apošnija try hady.
U ramkach pieramovaŭ adbudziecca pieršaje asabistaje znajomstva rasijskaha prezidenta Uładzimira Pucina z abranym u hetym hodzie prezidentam Ukrainy Uładzimiram Zialenskim, piša bbc.com.
Udzielniki majučych adbycca pieramovaŭ strymana kamientujuć ich mahčymyja vyniki: pavodle ich słovaŭ, pahadnieńnie, jakoje pakładzie kaniec bolš jak piacihadovamu kanfliktu na ŭschodzie Ukrainy, u Paryžy padpisanaje nie budzie.
U Kijevie apazicyja sabrała ludziej na mitynh pad łozunhami «Nie kapitulacyi», «Trymajsia dalej ad Maskvy», «Rasijski haz - heta piatla na našych šyjach».