Biełaruski abrad «Juraŭski karahod» uklučany ŭ Śpis Junieska
gp.by
11 śniežnia Mižuradavy kamitet pa achovie niemateryjalnaj kulturnaj spadčyny JUNIESKA padčas siesii u Bahacie (Kałumbija) pryniaŭ rašeńnie ab uklučeńni abrada «Juraŭski karahod» u Śpis niemateryjalnaj kulturnaj spadčyny JUNIESKA, paviedamlaje MZS
«Juraŭski karahod» u vioscy Pahost Žytkavickaha rajona Homielskaj vobłaści — heta staražytny abrad, prymierkavany da viesnavoha śviata Jurja (6 maja). Jon źjaŭlajecca admietnaściu nie tolki biełarusaŭ, ale maje vialikaje značeńnie dla ŭsioj słavianskaj cyvilizacyi. Zachavańnie abrada — heta ŭkład Biełarusi ŭ ahulnuju mazaiku suśvietnaj kultury i raźvićcio kulturnaj raznastajnaści, adznačajecca ŭ paviedamleńni.
Śpis niemateryjalnaj kulturnaj spadčyny JUNIESKA naličvaje try biełaruskija elemienty. Taksama raniej uklučany śviatočny kaladny abrad «Kaladnyja cary» ŭ vioscy Siemiežava Kapylskaha rajona (2009 hod) i «Śviatkavańnie ŭ honar ikony Maci Božaj Budsłaŭskaj» (Budsłaŭski fest) u 2017 hodzie.