Recydyvista złavili na kradziažy kašalka ŭ dziciačaj paliklinicy. Vyśvietliłasia, što ŭ jaho 15 sudzimaściej
Zdareńnie adbyłosia ŭ adnoj ź dziciačych paliklinik Viciebska. 47-hadovy mužčyna, jaki vyzvaliŭsia ź miescaŭ pazbaŭleńnia voli, znoŭ ŭziaŭsia za staroje, paviedamlaje abłasnaja milicyja.
Pabadziaŭšysia pa pavierchach palikliniki, jon źviarnuŭ uvahu, što z adnaho z kabinietaŭ vyjšła miedsiastra. Zabieh ŭnutr pamiaškańnia i staŭ jaho abšukvać. U šafie jon znajšoŭ sumku, ź jakoj vyciahnuŭ čužy kašalok. Sa zdabyčaj paśpiašaŭsia pakinuć pamiaškańnie.
Miedsiastra, viarnuŭšysia ŭ pakoj, adrazu źviarnuła ŭvahu na prapažu i padniała šum. Nieŭzabavie znajšłasia i śviedka, jakaja zmahła apisać padazravanaha. Užo na vychadzie z palikliniki pa apisańni mužčynu ŭdałosia zatrymać.
Vyśvietliłasia, što jon maje 15 sudzimaściej za drobnyja kradziažy.