Ukrainskim siłavikam pryjšłosia šturmam brać zału suda, kab vyvieści padazravanuju pa spravie Šaramieta
Siłavikam pryjšłosia šturmavać sudovuju zału, dzie razhladajecca sprava Paŭła Šaramieta, kab vyvieści i advieźci ŭ SIZA padazravanuju Juliju Kuźmienka, paviedamlaje Ukrajinśka pravda.
Kala 5 hadzin paśla zaviaršeńnia pasiadžeńnia siabry i znajomyja Kuźmienka zastavalisia ŭ sudzie. Jany sprabavali błakavać uvachod, kab nie dać pravaachoŭnikam vyvieści padazravanuju.
Paśla niekalki dziasiatkaŭ siłavikoŭ siłaj rasšturchali ludziej i vyvieli Kuźmienka.
Kali siłaviki pačali šturm, Kuźmienka admaŭlałasia pakidać kletku, u jakoj praviała apošnija 5 hadzin. Adnak u rešcie rešt jana dobraachvotna, u supravadžeńni pravaachoŭnikaŭ vyjšła adtul.
Šturm prachodziŭ pad kryki «hańba» ad prychilnikaŭ padazravanaj.