Piaciarych abvinavačanych u zabojstvie saudaŭskaha žurnalista Chašohdžy prysudzili da śmiarotnaha pakarańnia
Pra heta paviedamlaje Bloomberg.
Jašče try fihuranty spravy atrymali ahułam 24 hady pazbaŭleńnia voli. Imiony asudžanych nie nazyvajuć.
Nahadajem, što žurnalista Džamala Chašahdžy, jaki supracoŭničaŭ z The Washington Post, zabili ŭ konsulstvie Saudaŭskaj Aravii ŭ Stambule 2 kastryčnika 2018 hoda. Pa słovach saudaŭskaha hienprakurora, Chašahdžy pamior ad injekcyi.
Tureckija ŭłady, Sienat ZŠA i CRU zajaŭlali, što zahad ab zabojstvie addaŭ naśledny prync Saudaŭskaj Aravii Muchamied bin Sałman. Er-Ryjad admaŭlaŭ heta, nazyvajučy zabojstva inicyjatyvaj asobnych siłavikoŭ.