Krynicy: U Minsk jedzie dziaržaŭny sakratar ZŠA Majkł Pampiea
Fota: sk.usembassy.gov.
U Biełaruś 4 studzienia maje prybyć dziaržaŭny sakratar ZŠA Majkł Pampiea.
Pra heta paviedamlajuć krynicy «Našaj Nivy» ŭ dypłamatyčnych kołach.
Aficyjnaha paćviardžeńnia hetaj infarmacyi pakul niama.
«U ZŠA isnuje naturalnaja zakłapočanaść pracesami biełaruska-rasijskaj intehracyi, — skazaŭ «Našaj Nivie» adzin ź biełaruskich dypłamataŭ. — Biełaruś važnaja jak kraina, jakaja miažuje z krainami NATA: Polščaj i Prybałtykaj. Pry hetym ZŠA pahłyblajuć adnosiny ź Biełaruśsiu, uśviedamlajučy rasijskija ŭpłyvy ŭ joj. Tamu vizit Pampiea, jak i papiaredni vizit Bołtana, — heta krok u pravilnym kirunku. Akramia taho jon uzmacniaje pieramoŭnyja pazicyi Biełarusi ŭ adnosinach z Rasijaj».