Leanid Kułakoŭ atrymaŭ 10 sutak, Juryj Hubarevič aštrafavany na 765 rubloŭ
Za ŭdzieł u akcyi suprać intehracyi, što prajšła ŭ Minsku 7 śniežnia, kiraŭnik ruchu «Za svabodu» Juryj Hubarevič aštrafavany na 30 bazavych vieličyniaŭ (765 rubloŭ).
A Leanid Kułakoŭ atrymaŭ 10 sutak aryštu za ŭdzieł u akcyi 8 śniežnia.
Siońnia sudy nad udzielnikami akcyj praciahvajucca. Učora bolšaść udzielnikaŭ była pakaranaja štrafami, a Pavieł Sieviaryniec i Alena Tałstaja pakaranyja aryštam (na 15 i 5 sutak adpaviedna)