Pasoł Rasii: Maskva i Minsk uzhodniać intehracyju ŭ pačatku 2020 hoda
kremlin.ru
Rasija i Biełaruś majuć dobryja šancy vyjści na padpisańnie prahramy dziejańniaŭ Sajuznaj dziaržavy ŭžo ŭ pačatku nastupnaha hoda. Pra heta «Iźviestijam» raspavioŭ pasoł Rasii ŭ Minsku Dźmitryj Mieziencaŭ.
Pry hetym pytańnie ab canie na haz vyviedziena za dužki pieramovaŭ. Na dumku ekśpiertaŭ, pieranos prablematyčnych u dvuchbakovych adnosinach tem daje šancy na pośpiech pahłybleńnia intehracyi.
Pieršapačatkova dakumient pad nazvaj «Prahrama dziejańniaŭ Biełarusi i Rasii pa realizacyi pałažeńniaŭ dahavora ab stvareńni Sajuznaj dziaržavy» kiraŭniki dźviuch krain Uładzimir Pucin i Alaksandr Łukašenka pavinny byli padpisać 8 śniežnia, a zatym 20-ha. Adnak abodva razy hetaha nie adbyłosia.
Mieziencaŭ upeŭnieny, što jość šancy vyjści na damovu ŭ pačatku 2020 hoda, choć baki śpiecyjalna śpiašacca z hetym nie buduć.
«U nas niama nieabchodnaści ładzić niejkuju honku abo štučnaje spabornictva — paśpieć za adzin dzień ci za adzin tydzień. Našmat važniej nie ŭpuścić źmiastoŭnyja momanty i pryncypovyja intaresy abodvuch bakoŭ», — ukazaŭ pasoł.
Dypłamat taksama padkreśliŭ, što realizacyja darožnych kart idzie «pakietnym pryncypam».
Tym nie mienš z samaha pačatku źmiest darožnych kart nie vynosili ŭ publičnuju prastoru. Heta naradžała zdahadki, što ŭ adnosinach dźviuch krain, mahčyma, nie ŭsio hładka.