Dzieviacikłaśnik u Minsku rabavaŭ parkamaty i kavavyja aŭtamaty
U kancy śniežnia ŭ milicyju źviarnuŭsia supracoŭnik słužby biaśpieki handlovaha centra na vulicy Umanskaj. Jon raspavioŭ, što pa kamierach videanazirańnia zaŭvažyŭ, jak dvoje mužčyn sprabujuć uskryć parkamat. Supracoŭnik centra pasprabavaŭ spynić złamyśnikaŭ, adnak adzin ź ich nakiravaŭ na jaho pistalet. Tak i nie uzłamaŭšy parkamat, mužčyny źbiehli, paviedamlaje pres-słužba MUS
Vyšukam nieviadomych zajmalisia apieratyŭniki HUUS Minharvykankama i Centralnaha RUUS. Syščyki znajšli 39-hadovaha raniej sudzimaha za kradziež minčuka i 15-hadovaha dzieviacikłaśnika. Ich zatrymali na aŭtavakzale: jany płanavali adpravicca ŭ Rasiju. U ich byli kanfiskavanyja pnieŭmatyčny pistalet i pryłady dla ŭzłomu.
Pavodle apieratyŭnaj infarmacyi, jany mohuć być datyčnyja da ździajśnieńnia kradziažoŭ hrošaj z bolš čym dziasiatka kavavych i viendynhavych aparataŭ pa Minsku.