Zołatavalutnyja reziervy Biełarusi vyraśli da rekordnych $9,4 miljarda
Mižnarodnyja reziervovyja aktyvy Biełarusi na 1 studzienia 2020 hoda skłali 9 młrd 393 młn 500 tysiač dalaraŭ (u ekvivalencie). Zhodna z Asnoŭnymi napramkami hrašova-kredytnaj palityki na 2019 hod abjom mižnarodnych reziervovych aktyvaŭ na 1 studzienia 2020 hoda pavinien byŭ skłaści nie mienš jak $7,1 młrd, piša Nacbank.
U cełym pa vynikach 2019 hoda mižnarodnyja reziervovyja aktyvy pavialičylisia na 2,2 młrd dalaraŭ (na 31,2 adsotka), u tym liku za śniežań — na 234,7 młn (na 2,6 pracenta).
Papaŭnieńnie zołatavalutnych reziervaŭ u 2019 hodzie ažyćciaŭlałasia ŭ asnoŭnym za košt kupli Nacbankam zamiežnaj valuty na tarhach Biełaruskaj valutna-fondavaj biržy, pastupleńnia ŭ biudžet padatkaŭ, pošlin i inšych płaciažoŭ u zamiežnaj valucie, a taksama emisii Minfinansaŭ i Nacbankam ablihacyj, naminavanych u zamiežnaj valucie.
Pry hetym uradam i Nacbankam za 2019 hod vykanana źniešnich i ŭnutranych abaviazacielstvaŭ u zamiežnaj valucie na sumu kala 4,2 młrd dalaraŭ ZŠA, u tym liku ŭ śniežni paradku 355 młn dalaraŭ ZŠA.