Ministr infarmacyi prapanavaŭ unieści ŭ zakanadaŭstva paniaćci fake i deepfake
Ministr infarmacyi Alaksandr Karlukievič padčas čarhovaha pasiadžeńnia prajekta «Ekśpiertny asiarodak» — «Deepfakes: novy vyklik infarmacyjnaj biaśpieki» ŭ pres-centry BiełTA vykazaŭsia za toje, kab unieści ŭ zakanadaŭstva takija paniaćci, jak fake i deepfake.
Ministr ličyć, što hetuju temu ŭ kantekście harantavańnia infarmacyjnaj biaśpieki treba abmiarkoŭvać z usimi zacikaŭlenymi ŭ parłamiencie. Na dumku Alaksandra Karlukieviča, nieabchodna acanić maštaby źjavy, patencyjnyja pahrozy i padumać, jak vykłaści heta ŭ zakanadaŭčaj bazie. Jon vykazaŭsia za toje, kab «ŭžo siońnia rychtavać prajekty, dzie buduć prapisany takija paniaćci, jak fake i deepfake».
«Ludziam nieabchodna rastłumačyć, da čaho heta pryviadzie. Treba skazać, što ŭ nas nie pryniata, što moža nasić supraćpraŭny charaktar. Takim čynam budzie vykazana pazicyja nie tolki dziaržavy, ale i zdarovaj častki hramadstva. Kali my siońnia nie padrychtujemsia da hetaha, to zaŭtra možam spaźnicca», — padkreśliŭ Alaksandr Karlukievič