Z-za adsutnaści śniehu śviata ŭ «Soniečnaj dalinie» ŭ Minsku pieranieśli. A centr naohuł začynili
Na 19 studzienia ŭ harnałyžnym centry «Soniečnaja dalina» ŭ Kurasoŭščynie było zapłanavana śviata, prymierkavanaje da Suśvietnaha dnia śniehu, pišuć Minsk-Naviny.
Ale jak raspavioŭ namieśnik dyrektara harnałyžnaha centra Viačasłaŭ Judzin, 19 studzienia ŭ «Soniečnaj dalinie» dakładna nie čakajecca mierapryjemstvaŭ. Pavodle jaho słoŭ, chutčej za ŭsio, budzie pieranos na bolš poźni termin, kali pachaładaje i vypadzie śnieh.
- Z-za ciopłych umoŭ nadvorja naš centr začynieny z 12 studzienia, — raspavioŭ V. Judzin. — Adčynim, jak tolki dazvolić niabiesnaja kancylaryja. Tady i śviata praviadziem.