U Tinder źjavicca knopka dla vykliku palicyi
U dadatku dla znajomstvaŭ Tinder źjavicca funkcyja spaviaščeńnia palicyi ab niebiaśpiečnych situacyjach na spatkańniach, paviedamlajecca na aficyjnym sajcie kampanii Match Group, jakaja vałodaje dadatkam, piša interfax.ru.
Match Group nabudzie dolu ŭ kampanii-raspracoŭniku dadatka Noonlight, jaki adsočvaje miescaznachodžańnie karystalnika i paviedamlaje pravaachoŭnikam u vypadku niebiaśpieki.
Akramia taho, u Tinder źjaviacca i inšyja funkcyi, u pryvatnaści vieryfikacyja fota ŭ profilach, kab vyklučyć vykarystańnie čužych fota. Taksama karystalniki zmohuć zafiksavać infarmacyju pra miesca i čas spatkańnia, pra čałavieka, ź jakimi jany sustrenucca. Palicyja pryjedzie, kali karystalnik nie adreahuje na paviedamleńni i zvanki dyśpietčara paśla naciskańnia tryvožnaj knopki.