U Maskvie na čyhunačnaj stancyi z kiłahramam narkotykaŭ zatrymali biełarusa. Pryjechaŭ, kab padzarabić hrošaj
Fota rasijskaj palicyi
Rabotniki palicyi na stancyi Maskva — Leninhradskaja na płatformie dla pryharadnych ciahnikoŭ zatrymali niepracujučaha 37-hadovaha biełarusa.
Padčas asabistaha nadhladu ŭ jaho byŭ znojdzieny pakiet z paraškapadobnym rečyvam. Zhodna z zaklučeńniem ekśpiertaŭ, u pakiecie byŭ 1 kiłahram N-mietyłefiedronu.
Raspačata kryminalnaja sprava pa č. 5 art. 228.1 KK RF. Jamu pahražaje da 20 hadoŭ źniavoleńnia.
Na videazapisie mužčyna, jakoha nazyvajuć Alaksandram, raspaviadaje, što pryjechaŭ u Rasiju ź Biełarusi «zarablać hrošy».
Jon pryjechaŭ u Maskvu 5 studzienia, bo chacieŭ uładkavacca na pracu kiroŭcam. Pracaŭładkavacca nie atrymałasia, jon pačaŭ šukać u internecie sposab zarobku, i jamu prapanavali dobryja hrošy za pieravozku niejkaha hruzu. «Pracadaŭca» paabiacaŭ jamu kala 50000-60000 rasijskich rubloŭ u tydzień (kala 800-1000 dalaraŭ). Biełarus pahadziŭsia zrabić niekalki rejsaŭ dla taho, kab zarabić pieršapačatkovy kapitał.