Pamočnikam rasijskaha premjera staŭ čynoŭnik, jaki adpačyvaŭ razam z Naściaj Rybkaj
Premjer-ministr Rasii Michaił Mišuścin pryznačyŭ svaim pamočnikam byłoha vice-premjera i namieśnika kiraŭnika aparata ŭrada Siarhieja Prychodźku, adpaviednaje rasparadžeńnie apublikavana na aficyjnym partale pravavych aktaŭ.
Prychodźka pracuje va ŭradzie z 2012 hoda, a ŭ vyšejšych ešałonach ułady — z 1997-a. U rozny čas jon kuryravaŭ źniešniuju palityku ŭ administracyi rasijskaha prezidenta na pasadach kiraŭnika ŭpraŭleńnia i pamočnika kiraŭnika rasijskaj dziaržavy. Jon byŭ pamočnikaŭ troch prezidentaŭ, pačynajučy z Barysa Jelcyna.
U lutym 2018 hoda Prychodźka apynuŭsia ŭ centry palityčnaha skandału. Tady rasijski apazicyjanier Alaksiej Navalny apublikavaŭ rasśledavańnie pra trochdzionny adpačynak čynoŭnika na jachcie miljardera Aleha Dzierypaski ŭ kampanii dziaŭčat-eskortnic, u tym liku Naści Rybki.
Tady Prychodźku panizili da pieršaha namieśnika kiraŭnika aparata ŭrada.
