Mielita, praŭnučka Stefanii
Praŭnučka Stefanii Staniuty zavajavała try «bronzy» na etapie Hran-pry ŭ Brno pa mastackaj himnastycy.
Mielita Staniuta – praŭnučka znakamitaj Stefanii Staniuty – zavajavała try bronzavyja miedali na druhim etapie Hran-pry pa mastackaj himnastycy, što prajšoŭ u češskim Brno.
Biełaruska ŭzyjšła na pjedestał u praktykavańniach ź miačom, stužkaj i skakałkaj, sastupiŭšy va ŭsich troch dyscyplinach mocnym rasijankam Jaŭhienii Kanajevaj i Viery Siesinaj, paviedamlaje Priessboł.
Dva tydni tamu na pieršym etapie ŭ Maskvie 15-hadovaja biełaruska taksama zavajavała try miedali: adno srebra (ź miačom) i dźvie bronzy (skakałka i stužka).
Etap Hran-pry ŭ Maskvie byŭ debiutnym dla Mielity, i try ŭznaharody heta vialiki jaje asabisty pośpiech.
Mielita Staniuta taksama pieramahała na čempijanatach krainy, zavajavała try srebranyja miedali na čempijanacie Jeŭropy ŭ Turynie.
Darečy ŭ intervju «Sportivnoj panoramie» paśla Hran-pry ŭ Maskvie Mielita skazała, što svaimi vystupami ŭvasablaje maru svajoj babuli Stefanii Staniuty, jakaja ličyła mastackuju himnastyku spłavam sportu i aktorskaha majsterstva i ŭ «70 hod mahła sieści na špahat».
Siarod maraŭ Mielity Staniuty – trapić u składzie biełaruskaj zbornaj na čempijanat śvietu pa mastackaj himnastycy, što projdzie ŭ vieraśni.