U Polščy chočuć štrafavać pacyjentaŭ, jakija nie pryjšli da doktara
Fota Nadziei Bužan
Ministerstva achovy zdaroŭja Polščy płanuje ŭviadzieńnie štrafaŭ dla pacyjentaŭ, jakija biez papiaredžvańniaŭ nie prychodziać na abśledavańnie abo na vizit da doktara niejkaj śpiecyjalnaści, paviedamlaje Radyjo Polšča.
— My analizujem hetaje pytańnie, bo heta sapraŭdy vialikaja prablema, — zajaviŭ ministr zdaroŭja Łukaš Šumoŭski.
Takich vypadkaŭ za hod zdarajecca 17 miljonaŭ na 84 miljony vyznačanych vizitaŭ i apieracyj. Pavodle statystyčnych źviestak, vielmi časta pacyjenty zabyvajuć pra apieracyju katarakty ci impłantacyju endaprateza, a taksama pra vizit da endakrynołaha, kardyjołaha i navat ankołaha.
Nacyjanalny fond zdaroŭja, jaki apłočvaje dziaržaŭnuju achovu zdaroŭja, staŭ rassyłać sms-paviedamleńni, u jakich pryhadvaje pra vizit, ale heta i tak nie dapamahaje.
Praciŭniki štrafaŭ za nieadmienieny vizit padkreślivajuć, što treba było b źmianić zakony, bo ciapier prava nie dazvalaje štrafavać pacyjentaŭ. Inšyja padkreślivajuć, što štraf niespraviadlivy, bo chvoryja vielmi časta iduć na płatny vizit, pakolki čerhi da dziaržaŭnaha nievynosna doŭhija.