Iran nie moža rasšyfravać samapiscy źbitaha samalota, ale inšym nie addaść
Ministr zamiežnych spraŭ Irana Machamad Džavad Zaryf u intervju NBC zajaviŭ, što Iran nie moža rasšyfravać infarmacyju čornych skryń samalota, jaki byŭ źbity kala Tehierana 8 studzienia, adnak nie pieradaść ich inšym krainam.
Zaryf pryznaŭ, što Iran nie maje mahčymaści dla rasšyfroŭki čornych skryń źbitaha Boinha.
U toj ža čas jon padtrymaŭ rašeńnie Irana nie pieradavać skryni inšym krainam. Pa słovach ministra, u adpaviednaści ź mižnarodnymi avijacyjnymi praviłami, Iran maje prava pravodzić rasśledavańnie katastrofy samalota.
Iranu treba prahramnaje zabieśpiačeńnie, kabieli i śpiecyjalnyja viedy ad ZŠA ci inšych zachodnich krain, kab mieć mahčymaść rasšyfravać infarmacyju čornych skryń.
«My paprasili dapamohi. Čamu ZŠA nie dapamahli nam? Heta humanitarnaja prablema. Čamu jany nie dali nam prahramnaha zabieśpiačeńnia? Čamu jany nie dali nam vopyt?» — skazaŭ Zaryf.