Kolkaść achviar karanavirusa praciahvaje raści
Da 16 lutaha zaražeńnie karanavirusam COVID-19 paćvierdziłasia ŭ 68 500 čałaviek. Pra heta paviedamlaje Nacyjanalnaja kamisija pa achovie zdaroŭja KNR.
Pavodle jaje źviestak, za apošnija sutki ŭ Kitai ad zachvorvańnia zahinuli 142 čałaviek, tady jak 1323 vylečylisia. Ahulnaja kolkaść achviar karanavirusa ŭ KNR pavialičyłasia da 1665 čałaviek, usiaho atrymałasia vylečyć 9 419 čałaviek.
U pravincyi Chubej, jak paviedamlaje rehijanalnaja kamisija pa pytańniach achovy zdaroŭja, za sutki zarehistravali 1843 novyja vypadki zaražeńnia, 1548 ź ich vyjavili ŭ horadzie Uchań, dzie pieršapačatkova vyjavili virus. Na praciahu sutak kolkaść zahinułych u Chubej pavialičyłasia na 139 čałaviek (110 — va Uchani). Karanavirus u hetym rehijonie paćvierdzili ŭ 49 030 vypadkach, bolš za 35 tysiač ź ich prypadajuć na Uchań.