Statkievič ahučyŭ płan na vybary-2020: choča vyłučyć 30 kandydataŭ u prezidenty i pačać pratesty
Mikoła Statkievič. Fota Nadziei Bužan
Palityk Mikoła Statkievič, kandydat na prezidenckich vybarach-2010, ahučyŭ svoj płan na vybary-2020.
«My chočam pieradusim vykarystać etap zboru podpisaŭ, bo paśla Łukašenka kahości zarehistruje, kahości nie zarehistruje», — zajaviŭ jon u žyvym efiry jutub-kanała «Kraina dla žyćcia».
Statkievič źbirajecca spačatku padać dakumienty na rehistracyju svajoj inicyjatyŭnaj hrupy. Heta budzie 3700-4000 čałaviek, jakija pakidali podpisy jaho prychilnikam padčas parłamienckaj kampanii.
Kali Statkieviču admoviać — a CVK nie choča jaho rehistravać praz najaŭnaść sudzimaści, — jon piarojdzie da nastupnaha etapu.
«Biełaruski nacyjanalny kanhres zarehistruje minimum 30 inicyjatyŭnych hrup [pa zbory podpisaŭ — Red.]. My chočam, kab u kožnym bujnym horadzie byŭ chacia b adzin čałaviek, jaki vyłučajecca kandydatam u prezidenty. Hety čałaviek budzie abaronieny tym, što vyłučajecca kandydatam».
Statkievič dapuskaje, što inicyjatyŭnaja hrupa va ŭsich ich moža być adnolkavaja. A ich kiraŭnikom budzie jon, Statkievič.
Hetyja ludzi, jak jon miarkuje, pačnuć pratesty z patrabavańniem praviadzieńnia vybaraŭ biez udziełu Łukašenki, ale z udziełam Statkieviča i inšych palitykaŭ, abmiežavanych u pravach.