«Cełuju noč čytaŭ pry trunie mamy paemu «Novaja ziamla». Ščymlivy epizod z žyćcia biełarusaŭ Rasii
Ščymlivy epizod z žyćcia biełarusaŭ zamiežža raskazaŭ doktar histaryčnych navuk Mikałaj Nikałajeŭ.
«20 lutaha ŭ Pieciarburhu chavali Baženu, — napisaŭ jon u siabie ŭ fejsbuku. — Pajšła ŭ niabyt miłaja žančyna, ź jakoj byŭ znajomy vielmi mała — prychodziła na niekatoryja biełaruskija sustrečy ŭ narodnym kaściumie, lubiła i ŭmieła śpiavać narodnyja pieśni. Ni proźvišča, ni imia pa baćku nie viedaŭ.
U siaredzinie dnia pazvaniła Marysia, raskazvaje, jak prajšło adpiavańnie, na jakim upieršyniu pabačyli darosłaha syna Baženy.
— Viedaješ, jon cełuju noč kala maci. Cełuju noč čytaŭ pry trunie knihu — paemu «Novaja ziamla».
Niabožčykam nie treba zajzdrościć. Ja praź ślozy radujusia za Baženu», — piša Mikałaj Nikałajeŭ.