Chutka nalepki ab prachodžańni techahladu zamieniać na modnyja QR-kody
Vydavać dazvoł na dopusk transpartnaha srodku da ŭdziełu ŭ darožnym ruchu płanujuć u elektronnym vyhladzie, paviedamiŭ dyrektar UP «Biełtechahlad» Juryj Lančeŭski ŭ intervju haziecie «SB. Biełaruś siehodnia».
— Ciapier stvarajucca elektronnyja pašparty na aŭtamabili, my pastupova adychodzim ad papiarovych nośbitaŭ, — paviedamiŭ Juryj Lančeŭski. — U najbližejšaj budučyni płanujem ažyćciaŭlać vydaču dazvołu na dopusk transpartnaha srodku da ŭdziełu ŭ darožnym ruchu ŭ elektronnym vyhladzie. U zvyčajnym QR-kodzie budzie «zašytaja» infarmacyja pra projdzieny dziaržtechahlad. Prapanovy ŭžo nakiravanyja ŭ Mintrans. Zvyčajnaja nalepka na škło ab prachodžańni dziaržtechahladu — učarašni dzień.