Karanik: Ažyjataž z maskami — emacyjny
Za siońnia ŭ Minsku vykupili kala 70 tysiač masak, raskazaŭ ministr achovy zdaroŭja Uładzimir Karanik, piša Tut.by.
Fota: Darja Burakina, Tut.by.
Ministr achovy zdaroŭja adznačyŭ, što va ŭsich lačebnych ustanovach krainy jość zapas masak. Štodzień u krainie vypuskajecca kala 40 tysiač marlevych masak. U paniadziełak u krainu pastaviać jašče 1 młn 600 tysiač masak, ministerstva dadatkova abjaviła ab novaj zakupcy.
— Ažyjataž z maskami — emacyjny. Ale kali kirujuć balem emocyi, šukać racyjanalnaje tłumačeńnie — nie najlepšy padychod, — adznačyŭ Uładzimir Karanik.
Pradstaŭnik SAAZ u Biełarusi Batyr Bierdykłyčaŭ nahadaŭ biełarusam, što zdarovym ludziam maski nie patrebnyja. Maski patrebnyja tolki miedykam, tym, chto dahladaje za chvorymi, i chvorym, jakija takim čynam abaraniajuć ad svajoj infiekcyi navakolnych.
Pradstaŭnik SAAZ źviarnuŭ uvahu, što ŭ 81% karanavirus praciakaje ŭ lohkaj i siaredniaj formie, kali čałaviek moža pieranieści chvarobu na nahach, 14% vypadkaŭ patrabujuć špitalizacyi i ŭ 5% — krytyčnyja stany, kali jość pahroza dla ŭnutranych orhanaŭ. Uzrovień śmiarotnaści ad karanavirusa 2-4%.