Rasijski «Pieršy kanał» zapuściŭ fejk, što ŭ Biełarusi pamior chvory na karanavirus. Našy MZS i Minzdaroŭja adreahavali
Rasijski Pieršy kanał u navinavym siužecie zajaviŭ, što ad karanavirusa «pieršyja śmierci zafiksavanyja ŭ ZŠA, Aŭstralii, Tajłandzie, Biełarusi».
Siužet z hetaj infarmacyjaj možna było ŭbačyć pa hetym adrasie na jutubie, adnak videa ciapier niedastupna dla prahladu.
Ministerstva achovy zdaroŭja Biełarusi adznačaje, što hetaja infarmacyja źjaŭlajecca chłuśnioj i nie maje ničoha supolnaha z rečaisnaściu.
U Biełarusi na siońnia zarehistravanyja try vypadki 2019-nCoV. Usie try pacyjenty adčuvajuć siabie zdavalniajuča, kliničnych simptomaŭ zachvorvańnia ŭ ich niama.
«U suviazi z raspaŭsiudžvańniem fejkavaj infarmacyi ŭ dačynieńni da našaj krainy buduć pryniaty adpaviednyja miery reahavańnia taksama pa linii Ministerstva zamiežnych spraŭ Respubliki Biełaruś», — zajaviła Minzdaroŭja.