U Kitai za sutki vylečylisia ad karanavirusa ŭ 22 razy bolš ludziej, čym zachvareli
Kolkaść pamierłych ad karanavirusa novaha typu ŭ Kitai dasiahnuła 2 981, 49 856 čałaviek vyzdaravieli i vypisanyja z balnic. Pra heta ŭ sieradu paviedamiŭ Dziaržaŭny kamitet pa spravach achovy zdaroŭja KNR. Takim čynam, kolkaść vyzdaraviełych za sutki ŭ 22 razy pieravysiła kolkaść zachvarełych, piša TASS.
Za minułyja sutki ŭ Kitai było zafiksavana 38 śmiarotnych vynikaŭ i 119 novych vypadkaŭ zaražeńnia, 2, 652 čałavieki byli vylečany i vypisanyja sa špitalaŭ. Ahulnaja kolkaść zachvareŭšych skłała 80 270.
U centralnaj pravincyi Chubej — epicentry ŭspyški zachvorvańnia — było zafiksavana 115 novych vypadkaŭ zaražeńnia, ź ich 114 — u horadzie Uchań. Ahulnaja kolkaść zachvarełych dasiahnuła 25 905 (22 368 va Uchani). Kolkaść śmiarotnych vynikaŭ u Chubei pavialičyłasia na 37, da 2 871 (2 282 va Uchani). Bolš za 38,5 tys. čałaviek u pravincyi vylečany i vypisanyja sa špitalaŭ.
Pa danych kamiteta, usiaho ciesnyja kantakty z chvorymi ŭ Kitai mieli 666 397 čałaviek, ź ich 36 432 znachodziacca pad miedycynskim nahladam.