U Babrujsku pjany rabočy abrabavaŭ kramu, kab padaryć žoncy bukiet u dzień naradžeńnia
Unačy ŭ kvietkavuju kramu zajšoŭ pjany mužčyna i na vačach u pradaŭca vykraŭ dzieviać ruž, paviedamlaje pres-słužba MUS. Žančyna pasprabavała ŭtrymać złamyśnika, adnak toj vyrvaŭsia. Pradaviec tut ža patelefanavała ŭ milicyju.
Nieŭzabavie da piešaha patrula padjechaŭ aŭtamabil taksi, u sałonie jakoha znachodziŭsia śpiačy pasažyr. Kiroŭca rastłumačyŭ, što niadaŭna padvoziŭ mužčynu i jaho sabutelnika da kvietkavaj kramy. Apošni vyjšaŭ ź jaje z kvietkami i zamiest taho, kab viarnucca ŭ mašynu i praciahnuć pajezdku, paprostu źbieh.
Mužčynu vyličyli vielmi apieratyŭna. Im akazaŭsia 39-hadovy miascovy žychar, jakoha, jak paźniej vyśvietliłasia, i šukali za kradziež ruž.
Na złačynstva babrujčanin pajšoŭ praz ałkaholnaje apjanieńnie, a padstavaj staŭ dzień naradžeńnia žonki, jakoj pryznačaŭsia bukiet. Voś tolki kvietki milicyjaniery znajšli za śmiećciepravodam.