Łukašenka ŭručyŭ Matvijenka orden Skaryny, padaryŭ knihu «Smak biełaruskaj kuchni» i ikonu Valanciny Minskaj
Alaksandr Łukašenka siońnia na sustrečy ŭ Minsku ŭ Pałacy Niezaležnaści ŭručyŭ staršyni Savieta Fiederacyi Fiederalnaha schodu Rasijskaj Fiederacyi Valancinie Matvijenka orden Francyska Skaryny, pieradaje BiełTA.
Ukaz ab uznaharodžańni byŭ padpisany jašče viasnoj 2019 hoda napiaredadni jubileju Valanciny Matvijenka. Orden Francyska Skaryny staršyni Savieta Fiederacyi susiedniaj krainy ŭručany «za značny asabisty ŭkład va ŭmacavańnie siabroŭskich adnosin i raźvićcio supracoŭnictva pamiž Biełaruśsiu i Rasijaj».
Alaksandr Łukašenka padaryŭ hości bukiet biełaruskich kvietak, abraz Śviatoj Valanciny Minskaj i knihu «Smak biełaruskaj kuchni».