Rumas: Situacyja na naftavym rynku ŭpłyvaje na zbližeńnie pazicyi z Rasijaj pa pastaŭkach
Ciapierašniaja situacyja z cenami na naftu, jakaja skłałasia paśla razvału ździełki APIEK+, zbližaje pazicyi Rasii i Biełarusi ŭ pytańniach pastavak nafty. Pra heta zajaviŭ premjer-ministr Siarhiej Rumas na sustrečy z premjer-ministram RF Michaiłam Mišuścinym u Maskvie, piša TASS.
«Adno z pytańniaŭ, jakija nam siońnia treba budzie abmierkavać, — heta pastaŭki enierhanośbitaŭ. Ja dumaju, što taja rynkavaja situacyja, jakaja jość siońnia z cenami na naftu, jana zbližaje našy pazicyi i pamianšaje tyja razychodžańni ličbavyja, jakija ŭ nas jość», — skazaŭ Rumas.
Pavodle jaho słoŭ, raźvićcio JEAES šmat u čym budzie zaležać ad zbližeńnia pazicyj RF i Biełarusi pa intehracyi.
«Ja dumaju, šmat u čym ruch u «piaciorcy» [ŭ JEAES] budzie zaležać ad taho, nakolki my zblizim svaje pazicyi, — skazaŭ jon. — Vy viedajecie, pierad nami prezidentami pastaŭlena zadača padrychtavać dakumienty pa stratehii intehracyi i našy vice-premjery praviali vialikuju pracu».
«Zastałosia niekalki sprečnych pytańniaŭ», — dadaŭ Rumas.
Rumas adznačyŭ, što siońnia na sustrečy z rasijskim kaleham płanuje abmierkavać nie vyrašanyja pytańni ŭ śfiery intehracyi. «Ja spadziajusia, my ich siońnia abmiarkujem [sprečnyja pytańni] i prasuniemsia dla taho, kab 10 krasavika, kali my sustreniemsia ŭ Minsku na mižpraŭsaviecie, my ŭžo zmahli ŭzhadnić hety dakumient i ŭnieści kiraŭnikam dziaržaŭ na ich vyšejšy Jeŭrazijski mižuradavy saviet», — skazaŭ jon.