Ustanoŭleny minimalnyja parohavyja bały na CT-2020
Fota Nadziei Bužan
Adpaviednaja pastanova Ministerstva adukacyi źjaviłasia na Nacyjanalnym pravavym internet-partale, piša sb.by
Zhodna z pastanovaj, pa biełaruskaj abo ruskaj movach niezdavalniajučymi buduć ličycca adznaki ad 0 da 9 bałaŭ uklučna, dla śpiecyjalnaściaŭ fiłałahičnaha profilu — ad 0 da 24. Pa pieršym profilnym pradmiecie (matematyka, fizika, chimija, bijałohija) dla pastupleńnia chopić 20 bałaŭ. Pa historyi Biełarusi, suśvietnaj historyi (najnoŭšy čas), hramadaznaŭstvie, hieahrafii, zamiežnych movach (anhlijskaja, niamieckaja, francuzskaja, ispanskaja, kitajskaja) treba nabrać minimum 25 bałaŭ.
Kali matematyka, fizika, chimija, bijałohija źjaŭlajecca druhim pradmietam profilnaha ispytu, to abituryjentu budzie dastatkova 10 bałaŭ. Kali druhi profilny pradmiet — historyja Biełarusi, suśvietnaja historyja (najnoŭšy čas), hieahrafija, zamiežnyja movy, to achvotnym apynucca ŭ liku studentaŭ treba nabrać minimum 15 bałaŭ.
Trochi nižejšy parohavy bał dla VNU, jakija znachodziacca ŭ padparadkavańni Minabarony, MNS i Dziaržpahrankamiteta, dla vajennych fakultetaŭ i śpiecyjalnaściaŭ «Vytvorčaść, zachoŭvańnie i pierapracoŭka pradukcyi raślinavodstva», «Žyviołahadoŭla. Rybavodstva. Pčałavodstva», «Sielskaje budaŭnictva i ŭładkavańnie terytoryj», «Mielijaracyja i vodnaja haspadarka», «Ahrainžynier». Pa biełaruskaj abo ruskaj movach abituryjentam treba nabrać minimum 7 bałaŭ, stolki ž — pa matematycy, fizicy, chimii, bijałohii, historyi Biełarusi, suśvietnaj historyi, hramadaznaŭstvie, hieahrafii i zamiežnych movach.